Cursos de verano
Udako ikastaroak

Gainditu gabe dugun erronka. Terrorismoa eta hezkuntza Espainian

27 (iraila)

Ekitaldi Aretoa, Nafarroako Museoa. Iruñea

Egin ezazu matrikula orain Deskargatu PDF

Ikastaro honen helburu nagusia da parte-hartzaileek jakitea zer erronka dauden gaur egun terrorismoari buruzko memoria hezkuntzan txertatzeko.

Ikasgeletan terrorismoaren historia eta memoria irakasteko egiten ari diren ekimenei buruz hausnartzea da helburua. Gazteek iragan horri buruz duten ezagutzaren analisitik abiatuko gara, eta dagoeneko gauzatu diren hezkuntza-proiektuetan eta etorkizunerako irekitzen diren ikuspegietan jarriko dugu arreta. Horretarako, iragan hurbileko errealitateari buruz heztearekin loturik inguruan ditugun proiektuei erreparatuko diegu, eta nazioarteko erreferentzia batzuk ere hartuko ditugu kontuan (Kolonbia eta Ipar Irlanda), haien bidez ere aukera izanen baitugu sakontzeko iragan traumatikoa oso presente dagoen testuinguruetan indarkeria politikoaren deslegitimazioari heltzeko dauden zailtasun eta erronka partekatuetan.

Ikastaroa amaitzeko, etorkizuneko proposamenak berrikusiko ditugu, kontuan hartuta, terrorismoaren errealitateari buruz hezteko ahaleginean, hezkuntza-proiektuak, irakasleen ikuspegia eta biktima hezitzaileen eta biktimario damutuen ekarpenak. Amaieran, Memoria duten eta Bakea eta Bizikidetza lantzen duten Eskolak programa aurkeztuko dugu.

Norentzat

Unibertsitateko ikasleentzat, ikertzaileentzat eta jende guztiarentzat.

Helburuak

Helburu nagusia:
• Terrorismoari buruzko ezagutza hezkuntza-sisteman txertatzeko egungo erronkak aztertzea.
Helburu espezifikoak:
• Eskolako eskuliburuetan terrorismoaren errealitatea nola kontatzen den jakitea.
• Erakustea zer dakiten gaur egun gazteek gure gizartean jasandako terrorismoari buruz.
• Hezkuntzari eta terrorismoari buruzko nazioarteko ekimen batzuk ezagutzea. Zehazki, Kolonbiaren kasua eta Ipar Irlandarena.
• Dagoeneko eginak dauden eta aurrerago egitekoak diren hezkuntza-proiektuak aztertzea, haien zailtasunei eta etorkizunerako irekitzen diren aukerei erreparatuz.

Ikastaroaren zuzendaria

Marta Rodríguez Fouz, I-Communitas Gizarte Ikerketa Aurreratuko Institutua.

Raúl López Romo, Terrorismoaren Biktimen Oroimenerako Zentroa.

ostirala 27 iraila

9:30 - 10:15  Hitzaldia
Zer dakite gazteek gure terrorismoko iraganari buruz?

Raúl López Romo

10:15 - 11:00  Hitzaldia
Zer diote eskolako eskuliburuek terrorismoari buruz?

Ander Delgado

11:00 - 11:45  Hitzaldia
Nafarroako ikasleak: hurbileko errealitate bati buruzko (ez)ezagutza

Marta Rodríguez Fouz

12:15 - 13:00  Hitzaldia
Kolonbiako trantsizioa eta hezkuntza-proiektuak

Eliana Alemán

13:00-13:45  Hitzaldia
Sakonki bereizitako gizarte batean heztea: Ipar Irlanda

Henry Patterson

16:00 - 16:45  Hitzaldia
Hezkuntza-proiektuak: balantzea eta ikuspegiak

José Mª Pérez-Agote

16:45 - 17:30  Hitzaldia
Hezkuntzarako planteamendua terrorismoaren prebentzioari buruz: irakaskuntzaren ikuspegia

Julia Gracia, Kordobako Unibertsitatea

Manuel Moyano

18:00 - 18:45  Hitzaldia
Biktima hezitzaileen eta biktimario damutuen ekarpenak

Izaskun Sáez de la Fuente

18:45 - 19:15  18:45 - 19:15 Hitzaldia
Memoria duten eta Bakea eta Bizikidetza lantzen duten Eskolak programa

Martín Zabalza

Antolatzailea

Nafarroako Unibertsitate Publikoa, Terrorismoaren Biktimen Oroimenerako Zentroaren Fundazioa, Terrorismoaren Biktimen Fundazioa

Beste antolatzaile batzuk

II-Communitas Gizarte Ikerketa Aurreratuko Institutua

Laguntzailea

Nafarroako Gobernua

Finantzatzailea

Terrorismoaren Biktimen Oroimenerako Zentroaren Fundazioa

Terrorismoaren Biktimen Fundazioa